Gielddat ja fylkkat, mat leat bákkus náittihuvvon, sáhttet ohcat earránit. Áigemearri lea njukčamánu vuosttaš beaivvi.
Gielddat ja fylkkagielddat mat dáhttot ruovttoluotta ovddeš ortnegii, fertejit sáddet ohcama beassat ovttastahttimis. Ráđđehusas lea dáhttu bággoovttastahttimiin luvvet gielddaid dahje fylkkagielddaid mat dáhttot dan. Áigemearri ohcat luvvet gielddas dahje fylkkagielddas lea njukčamánu 1. beaivvi 2022:s.
– Lea hui oanehis áigemearri, muhto lea dárbu dakkár oanehis áigemearrái vai sihkkarastit ahte gieldda- ja fylkkagielddaválggat čađahuvvojit njuovžilit 2023 čavčča, lohká gieldda- ja guovlloministtar Bjørn Arild Gram (GB).
Leat gielddastivrrat ja fylkkadikkit mat šaddet vuos mearridit dáhttot go ohcat luvvema. Lea Stuorradiggi mii loahpaloahpas mearrida besset go fylkkat luvvet iežaset ovttastahttimis. Lea ráđđehus mii meannuda suohkaniid ohcamiid. Ođđajagemánu 1. beaivvi 2024 sáhttet ođđa gielddat ja fylkkagielddat doaibmagoahtit.
(©NTB)
