Romssa gielda čuovvu dárkilit mielde movt koronanjoammun leavvá máddin. Muhttašuvvan virus mii njoammu jođáneappot balddiha.
Romssa gielda čuovvu mielde movt dilli máddin lea muhttašuvvan virusa ektui ja vuordá ahte unnit máttabeale olbmot dál mátkkoštit davás.
– Mii dáhttut buot mátkkošteddjiid, geat goitge válljejit boahtit Romsii ja geat vulget dáid gielddan gos muhttašuvvan virus dál leavvá, iskkahit iežaset beroškeahttá leat go sis dovdomearkkat vai eai. Sii geat leat Romssas vahkku dahje guhkit, dáhttut velá iskkahit iežas dan čihččet beaivvi, beroškeahttá leat go dovdomearkkat vai eai, lohká Romssa gielddadoavttir Inger Hilde Trandem.
Dát iskkahan-gáibádus guoská mátkkošteddjiide geat bohtet gielddain ja ránnjágielddain maidda ráđđehus lea dáhtton sierranas korona-doaibmabijuid. Dát gielddat leat: Enebakk, Frogn, Indre Østfold, Moss, Nesodden, Nordre Follo, Oslo, Vestby, Våler ja Ås.
– Jus leat juo boahtán Romsii guovtti maŋimuš vahku, ođđajagemánu 9. beaivvi rájes, de galggat dasttánaga iskkahit iežat. Boahtán olbmot maid galget leat liigevárrugasat jus dovdet veaháge buohccin, lohká Trandem ja ávžžuha olbmuid diŋgot iskkahandiimmu Romssa gieldda neahttasiidduin.
Soitet boahtit eambbo doaimmat
Gielda maid váruha eambbo doaimmaid bidjat johtui jus mátkkošteaddjit lassánit jus eiseválddiid ávžžuhus garvit johtimiid ii doahttaluvvo.
– Mii vuos geahččat makkár boađus lea eiseválddiid čavga doaimmain lea, ja de árvvoštallat dan ektui dárbbašat go eará doaimmaid bidjat johtui.
Romssa gielda doarju Romssa ja Finnmárkku stáhtahálddašeaddji guhte lávvardaga celkkii ahte olbmot eai berre mátkkoštit gielddaide gos lea muhttašuvvan virus gávdnon.
