Suodjalus vásiha reaiduvátnivuođa báhčinčalbmelásiin, viehkanskuovain ja sihkaldagain. Sii geat bohtet vuosttašgeardebálvalussii čakčat, ožžot dieđu ieža váldit mielde viehkanskuovaid.
Dat guoská sidjiide geat galget suodjalussii golggotmánu rájes. Sivvan dasa lea go viehkanskuovva-sturrodagat leat nohkamin, ja Suodjalusa logistihkkaorganisašuvdna (SLO) ii nagot buvttadit eambbo, dokumeantta dieđuid mielde maid Forsvarets forum lea ožžon.
SLO ávžžuha suodjalussurggiid árvvoštallat galget go rievdadit aktivitehtaid go lea reaidovátni.
Sii maid sihtet suodjalussurggiid bassat sihkaldagaid danin go rájut soitet guorranit boahtte jagi. Čakčat bohtet 25.000 báhčinčalbmeláse. Dan botta galgá Suodjalus geavahit daid báhčinčalbmelásiid mat sis leat.
Váldoluohttamušolmmoš Veagas, Viktor Fladmoe, dadjá NRK:i ahte lea moaitinveara go Suodjalus ii nagot buktit reaidduid sidjiide geain lea bálvalusgeatnegasvuohta boahtit suodjalussii.
– Eai leat buohkat geain leat viehkanskuovat main lea doarvái buorre kvalitehta ja maiguin birge olles jagi garra fysalaš doaimmain. Lea moaitinveara go Suodjalus ii nagot doallat dákkár reaidduid, dadjá Fladmoe.
(©NTB)
