-Almmuhus-
GUOIMMUHEAPMI– Fertejin beare duostat vástidit!

– Fertejin beare duostat vástidit!

-

-

Namma: Martin Rimpi

Ahki: 53

Guovlu: Divtasvuonas eret, muhto ásan Háršttain

1. Guđe fylkii gullá Bådåddjo?

– Bådåddjo gal gullá Nordlándii. Haha dan gal dieđán danin go orun dáppe. Riekta!

 

2. Mii lea festivála namma mii lágiduvvo juohke geasi Gáivuonas?

– Dat lea Riddu Riđđu. Mun lean 10 geasi bargan doppe, muhto dat gal lei dalle dolin. Riekta!

 

3. Maid mearkkaša go dadjá « giehka boakčána ­luopmániin?»

– Vuoi, dien mun in dieđe. In leat gullan dien ovdal. Giehka oainnat lea loddi. Go boakčána de oažžu ­juoidá čoddagii. Luomi lea ges šaddu. Nah… mii de ­
sáhttá leahkit? Dat jaskkoda! Dat ii gullo šat giehkame. Riekta!

 

Liigegažaldagat:

Rimpi máhtii vástidit riekta buot gažaldagaid. Son beassá liigegažaldagaid vástidit.

Guđe našuvdna lea vuoittán ESC eanemusat?

– Lea go Ruoŧŧa? Boastut!

Rievttes vástádus: Irlánda

– Nu fal, mun in čuovo mielde dien gilvvus nuvt in leat ožžon dan mielde.

 

Árvádus:

Martin vállje rukses ja buot váddáseamos ivnni árváduskátegorjias.

Son oažžu dán árvádusa:

Golbma dievddu ledje vuojadeame, go bohte gáddái de eai lean go guovtti olbmás njuoskan vuovttat. Vaikko ii ovttasge lean vuojadangahpir alde. Mo nu sáhttá?

– Movt nu sáhttá? In leat gal sihkkar, muhto mun jáhkán ahte dan goalmmát dievddus eai lean ­vuovttat. Riekta!

 

Čuoggá oktiibuot: 18

– Oooh man buorre jojojo! Dat gal manai hui bures. Mun fertejin gal duostat beare vástidit maŋemus gažaldaga.

Martin Rimpi hástala Johan Matteus Triumf ja Nils Jørgen Nystø searvat ávvira geassegilvui.

-Almmuhus-