-Almmuhus-
-Almmuhus-
-Almmuhus-
KULTUVRA– Ferte sihke bikini ja skohterdreassa váldit mielde

– Ferte sihke bikini ja skohterdreassa váldit mielde

-

-

Nisu gii lea 30 jagi juo festiválastallan dán njárggas muitala makkár páhkkenrávvágat sus leat sutnje gii áigu Gaskaijarockii vuolgit. Loga eanet áššis.

– Lea álkit páhkket lieggariikii biktasiid go deike, lohká Kari. Dan son lohká danne go oaivvilda ahte dálkki lea váttis einnostit dáppe ja dan dihte ferte páhkket biktasiid maiguin bivva juohkelágan dálkkis.

 

Šaddan árbevierrun

Kari muitala ahte son lea dán festiválas juo leamaš 30 geardde.  Dat gal lea šaddan juo árbevierrun sutnje ja Gaskaijarockii son fiellada juohke jagi.

– Dáppe lea nu somá, deiavvadit ođđa olbmuiguin ja návddašit festivála.

 

Motorsihkkeliin Háršttas

Dán jagi son lea vel iežas olbmá, Gun-Berit hástán vuolgit olmmájin Gaskaijarockii. Son lea vuodján motorsihkkeliin Háršttain Levdnjii. Dat muitala veahá man viidát Gaskaijarocka lea beaggán.

 

Máŋga buori artistta

Kari, Gun-Berit ja su olbmát muitalit ahte sii beroštit musihkas ja ahte Gaskaijarocka geasuha erenoamažit jus lea dakkár joavku maid sii liikojit.

– Mun gal liikojin Nazarethii hui bures, lohká Kari. Su olbmat gullojit sealggabealde čuorvome ahte ferte muitit namuhit Aqua-joavkku maid.

– Aqua gal lei maid hirbmat buorre, ledjen veahá hirpmáhuvvan vel man buorit sii ledje! Lei nu čáffat go Aqua-Lenes lei gákti vel badjelis konsearttabotta, loahpaha Kari.

-Almmuhus-