-Almmuhus-
-Almmuhus-
OĐĐASAT Felles­kjøpet streaika loahpa­huvvon

Felles­kjøpet streaika loahpa­huvvon

-

-

Dat bargit mat leat leamaš streaikkas álget bargui dábálaš bargoáigái fas gaskavahku iđida.  

– Felleskjøpet ja Spekter leat duhtavaččat dainna go riikasoabaheaddji lea veahkkin midjiide odne eahkes  gávdnan šiehtadusčovdosa YS/Negotiain. Streaika lea dasto nohkan, dadjá Spektera hálddahusdirektevra Anne-Kari Bratten preassadieđáhusas disdateahket. 

Čoavddus mielddisbuktá ahte Negotia miellahtut ožžot bálkálasáhusa 3,2 proseantta, mii leat seamma go maid dat earát Felleskjøpet bargit leat ožžon. 

– Go jurddaša elliidčálggu ja Felleskjøpet kundariid birra, de leat duhtavaččat dainna go streaika lea nohkan ja ahte mii dál sáhttit bargagoahtit nu go dábálaččat. Mii illudit oaidnit buot min mielbargiid barggus ihttin, ja mii vuordit buori ovttasbarggu buot mielbargiid organisašuvnnaiguin vai beassat ovddidit Felleskjøpet viidáseappot, dadjá Felleskjøpet konseardnahoavda John Arne Ulvan.

-Almmuhus-