-Almmuhus-
-Almmuhus-
-Almmuhus-
KULTUVRAFelgen Orkester ja Solju Riddui

Felgen Orkester ja Solju Riddui

-

-

Kárášjoga joavku Felgen Orkester ja suomabeale sámi joavku Solju čuojahit boahtte geasi Riddu Riđđu festiválas.

– Felgen Orkester lea okta Sámi eanemus dovddus joavkkuin dál.

Sii dollet konseartta váldolávddis ja galget maid mánáidfestiválas čuojahit.

Felgen Orkester lea joavku maid ollugat liikojit ja sii ráhkadit álo buori miellalági ja hástalit gehččiid lávlut mielde, lohká festiválahoavda Karoline Trollvik preassadieđáhusas.

Kárášjoga joavku almmuhii diibmá joavkku nuppi skearru, «Duhát jagi geahčen».  

 

Eadni ja nieida boahtiba maid

Suomabealde Sámis boahtá duo Solju Riddu Riđđu festiválii boahtte geasi.

Soai leaba eadni ja nieida Ulla Pirttijärvi-Länsman ja Hilda Länsman.


Solju-joavku almmuha ovdal geasi ođđa musihkaid – ja daid besset Riddu Riđđu 2018 festiválaguossit hui sihkkarit gullat. Preassagovva

Ovdalaččas lea Riddu Riđđu festivála almmuhan ahte Amanda Delare boahtá boahtte geasi festiválii čuojahit.

-Almmuhus-