-Almmuhus-
-Almmuhus-
-Almmuhus-
OĐĐASATFeFo rievdada barta­hattiid

FeFo rievdada barta­hattiid

-

-

FeFo vuoruha báikkálaš olbmuid go rievdada bartahattiid.

Dás rájes hálbu finnmárkulaččaide láigohit Finnmárkoopmodaga (FeFo) barttaid. FeFo barttat leat dán rádjái máksán 950 ruvnnu idjii. Hatti geahpedit čuohteruvnnuin, ja finnmárkulaš máksá 850 ruvnnu idjii. Olbmuide geat eai ása Finnmárkkus lassána haddi.  Sii šaddet dás rájes máksit 1250 ruvnnu idjii bartta geavaheamis.

FeFos leat čieža  smávva visttaža maid álbmot sáhttá nuvttá geavahit ja guokte bartta maid láigohit inatur.no ruovttusiiddu bokte. Čavčča rájes galgá ilbmat okta ođđa bartafálaldat lassin, čállá FeFo sin ruovttusiiddus. 

Fefo barttat: 

Lentjern (Báhčaveadji), Gjøkvassbu (Báhčaveadji), Andreas Nilsen-hytta (Kárášjohka), Føllvannskoia (Báhčaveadji), Holmenkoia (Báhčaveadji), Høvasskoia (Báhčaveadji), Lerkevannskoia (Báhčaveadji), Saimikoia (Báhčaveadji) ja Vestkoia (Báhčaveadji).

-Almmuhus-