FeFo jahkerehketdoallu gárvvis: Goasii 30 milljovnna boahtá buorrin Finnmárkui

FeFo – Finnmárkkuopmodat, almmuha dál vuohččan man olu ruđa bidjet báikkálaš doaimmaide. Bajit govva čájeha ahte FeFo lea ávkin báikkálaš bargosajiid, vearuid, ja divadiid dáfus.

2016:s mávssii FeFo 10,8 miljovnna ruvnno vearrun ja divadin Finnmárkkus. Logut čájehit maid ahte FeFo seamma jagi osttii gálvvuid ja bálvalusaid báikkálaččat badjel 16 miljovnna ruvnno ovddas.

Galgá ávkin báikkálaš servodagaide

– FeFo galgá leat ávkin báikkálaš servodagaid ceavzilvuhtii Finnmárkkus. Dan dihte mii oastit eanemus lági mielde bálvalusaid báikkálaččat, lohká direktevra Jan Olli.

Son oaivvilda deaŧalažžan ahte Finnmárkkuopmodaga eaiggádat, Finnmárkku ássit, dovdet FeFo doaimma, ja lohká maid FeFo legitimitehta leat sorjavažžan das.

FeFo sisaboahtu 2016:s lei oktiibuot 60.749.000 miljovnna ruvnno.
Golut ledje 53.845.994 ruvnno, ja loahpalaš boađus vearrogeassima ja finánsapoasttaid maŋŋel lei 3.112.692 ruvnno.

Jahkerehketdoallu lea fidnemis www.fefo.no.

Ruoná doarjagat logát geardde

FeFo jugii diibmá Ruoná doarjagiid logát geardde. Miljovnna ruvdno juhkojuvvui eaktodáhtolaš servviide ja ovttastusaide, ja Finnmárkku láhtuid merkemiidda.

Álggu rájes lea FeFo juohkán 10,5 miljovnna ruvnno.

FeFo lea maid juolludan Ungt Entreprenørskap i Finnmarkii (Nuorra hutkáivuohta Finnmárkkus) 1,5 miljovnna ruvnno váldosponsorin golbma jagi, ja lea leamaš ovttasbargoguoibmin olu stuorra álbmotlágidemiin Finnmárkkus.

Báikkálaš huksejeaddjit

– FeFo:s lea leamaš huššá ja olu dáhpáhusat 2016:s, earret eará logijagiávvudemiin ja ođđa váldokantuvrra plánemiin, dadjá Olli.

Stivra mearridii 2016:s 48,2 miljovdna ruvdnosaš gollorámma ođđa váldokantuvrii Leavnnjas. Visti galgá leat gárvvis geasset 2018:s, ja bargu álgá dallánaga maŋŋil oktasašluomu.

Das go maiddái das leat báikkálaš huksejeaddjit mat leat ožžon šiehtadusa, lassána báikkálaš gálvo- ja bálvalusoastin 2017:s ja 2018:s.