-Almmuhus-
-Almmuhus-
OAIVILATFeFo ii sáhte rihkkut Stuora­dikki dáhtu – Vuoigatvuođa­kárten lea juridihkka

FeFo ii sáhte rihkkut Stuora­dikki dáhtu – Vuoigatvuođa­kárten lea juridihkka

-

-

Stuoradiggi geatnegahttá FeFo árvvoštallat buot Finnmárkokommišuvnna konklušuvnnaid, dan mii eat sáhte válljet.

Mii fertet čuovvut nationála rievtti, dan eat sáhte válljet. Sáhttá go eanaeaiggáduššanbealli duođaštuvvot, dalle mii eat čuovvul ášši. Dat dáhpáhuvvá dávjjit go gullo. Jus mii eahpidit, dalle váldo ášši diggái, ja mii leat de vuostebealit áššis. Dan eat ge sáhte válljet. Vuoigatvuođakártema ravdamearit leat leamaš dovddusin dan rájes go Finnmárkoláhka ja paragráfa 34 bođii 2005:s, ja dat ii leat FeFo mii lea hutkan daid. Mis lea okta váldi, mii árvvoštallat juohke ášši juridihkalaččat nationála rivttiid mielde. Ávvir ii čále Finnmárkolága ravdameriid birra, ja addá midjiide eará oainnu go mis lea, iežas oaivečállosis borgemánu 26 b. 2022. Duogáš lea Gásadatášši mii dán vahkku lea meahcceduopmostuolus. Ovdal go Ávvir dearpala šluppuin, livččii buorre jurdda árvvoštallat lea go ášši sámiid rivttiid falleheapmi, vai lea go eará. Mii sávvat Ávvir čuovvu dikki, ja dainna lágiin soaitá oažžut eará oainnu áššái ja min saji áššis, go dan maid oaivečálus muitala. Mis lea dieđusge áddejupmi ahte olbmuid, geat leat dikkis gos mii leat vuostebealit rájiid dahje vuoigatvuođaid birra, mielas lea vuoigatmeahttun. Muhto mii eat vállje dan ieža, ja mii eat sáhtte válljet dan eret. Go rievttalaččat meannuda ášši, de lea okta ovdamunni: eanaáššiin bohtet buot bealit ovdan, vaikko mo ášši manaš. Ja buohkat, mii maid, fertet čuovvulit bohtosa. Mii jáhkkit ahte dat lea dat buoremus vuohki sihkkarastit «riekta galgá leat riekta». Buot maid mii bargat lea sajáiduhttin FeFo stivrras ja dat lea boađus sámiid mielmearrideamis – go sámi demokratiija han lea vuođđudan beali FeFo stivrra (Sámediggi). Mis leat rievttit. Finnmárkoláhka sihkkarastá nanu rivttiid sidjiide geat orrot dáppe. Ja boazodoalus lea lága bokte erenoamáš suodjalus. Jus mii álgit bargat eará ládje go Stuoradiggi lea dáhtton, dalle livččii lágahis dilli.

FeFo direktevrra Jan Olli

-Almmuhus-