Koronavirusa eahpesihkarvuohta dagaha ahte FeFo bisseha dál olgoriikalaččaid vejolašvuođa bivdit Finnmárkkuopmodagas.
Buot guollebivdu olgoriikkalaččaide bissehuvvo dán áigodaga olgoriikalaččaide geat eai oro Finnmárkkus. Buohkat geat orrot Finnmárkkus gal besset ain bivdit nu go ovdal.
FeFo ávžžuha olbmuid čuovvut eiseválddiid rávvagiid ja njuolggadusaid koronavirusa ektui, ja lohpidit máksit ruovttoluotta sidjiide geat jo leat oastán oaggunkoarttaid.
Eahpesihkkaris geassi
– Mii eat dieđe vuos makkár váikkuhusat dás leat geasseáigodahkii. Nu ahte jus leat oastán oaggunkoartta geassái, de mii ávžžuhit leat gierdevažžan ja vuordit ovdal go gáibidat ruđaid ruovttoluotta oaggunkoartta ovddas. Lea vejolaš ahte geassebivdu čađahuvvo nu go dábálaččat. Jus dette mearridat ahte it áiggo boahtit bivdit, de mii máksit ruovttoluotta oaggunkoartta ovddas vaikko mo dál livččii dilli geasset, čállá FeFo iežaset ruovttusiiddus.
