Finnmárkku politiijain ii lean nu olu bargu mannan ija.
Mannan ija dáhpáhusain ii lean Finnmárkku politiijaguovlu dieđihan nu olus Twitterii:
Kárášjohka
Kárášjogas leat politiijat čađahan restaurantadárkkástusa olgobáikkis Kárášjogas. Ledje olu olbmot ja buot lei ortnegis.
Áltá
Politiijat leat fitnan priváhta čujuhusas ja gevren eret almmáiolbmo badjelaš 50-jahkásaš gii lei badjelmeare juhkan. Su eai háliidan leat dan čujuhusas, go ii lean láhtten albmaládje earáid vuostá.
Sii ožžo maid dieđu sávakeahtes guossi birra olgobáikkis. Loahpageahčen 20-jahkásaš almmáiolmmoš rikkerii ja lei badjeloivii juhkan. Son oaččui dieđu bissut eret guovddážis diibmu 10:00 rádjai.
Politiijat ožžo maiddái dieđu feastarieja birra priváhta čujuhusas. Sii fitne báikkis ja sihte nissonolbmo gii hálddašii ásodaga loahpahit feastta, ja doalahit jaskat dassážii šaddá beaivi.