Juohke ovccát konsultašuvdna fástadoaktára luhtte lea psyhkalaš váttuid sivas, dieđiha Álbmotdearvvašvuođainstituhtta maŋŋel go leat čađahan iskkadeami.
Álbmotdearvvašvuođainstituhtta lea čađahan iskkadeami doavtterdiimmuin mat leat leamaš 2006-2019 áigodagas. Ledje 350 miljovnna doavtterdiimmu dan aigodagas, ja 40 miljovnna diimmu guske psyhkalaš dearvvašvuhtii, oaivvilda Álbmotdearvvašvuođainstituhta dutki Fartein Ask Torvik.
Buohkain lea dárbu fitnat doaktára luhtte psyhkalaš dearvvašvuođain, muhto eatnašat sis leat badjelaš 40-jahkásaččat. De lea juohke viaát olmmoš doaktára luhtte dan dihte.
– Dat logut muitalit man dábálaš lea doaktára lusa vuolgit, jus dovdá ahte psyhkalaš dearvvašvuohta ii leat nu mo galgá, ja man olu áiggi fástadoavttir geavaha psyhkalaš dearvvašvuhtii, muitala Torvik preassadieđáhusas.
Psyhkalaš dearvvašvuohta lei goalmmát dábáleamos sivva manne norgalaččat fitne doaktára luhtte (11,7 proseantta). Deahkke- ja dákteváttut leat nubbin dábálepmosat, 17,4 proseanttain, ja goalmmádin váibmo- ja varrasuotnavigit, 12,1 proseanttain.
Deprešuvdna, oađđinváttut, hušša ja ballu, muitováttisvuođat ja gárrenmirkkuid boasttogeavaheapmi ledje dábáleamos psyhkalaš dearvvašvuođahástalusat.
(©NTB)
