Tromsøpalmen bálkkašupmi geigejuvvo sutnje geas lea buoremus oanehis- dahje dokumentára Film i Nord nammasaš filbmaprográmmas. Sápmelaš filbmadahkki Amanda Kernell oaččui bálkkašumi «I will always love you, Kingen» filmma ovddas.
Tromssa internašunála filbmafestivála jugii mannan vahkkoloahpa čieža bálkkašumi.
Sápmelaš filbmadahkki Amanda Kernell oaččui Tromsøpalmen bálkkašumi «I will always love you, Kingen» filmma ovddas.
Filbma lea 20-jahkásaš Conny birra guhte oažžu panihka ja guođđá moarsis gii lea riegádahttimin sudno máná. Buot smávva giláža olbmot orrot vašuheamen su dagu, ii ge son lea šat bures boahtin gosa ge. Conny gáhtá, muhto ii leat dihtosis oažžu go ándagassii moarsistis.
Kernell lei ieš boahtán Romssa gávpogii váldit vuostá bálkkašumi. Son lea maiddái ráhkadan dovddus «Sameblod» filmma mii lea vuoitán viehka olu bálkkašumiid.
Tromsøpalmen bálkkašumi ledje máŋga eará sámi filmma maid árvaluvvon oažžut.
