Inger Alette Eira vuvddii 106 viesu DNB opmodatvuovdimis mannan jagi. Buori barggu ovddas oaččui son bálkkašumi.
Guovdageainnu nieida Inger Alette Eira lea vihtta jagi bargan DNB opmodatvuovdin, ja mannan jagi manai su vuovdin erenoamáš bures, čállá NRK Sápmi.
Mannan lávvordaga oaččui son bálkkašumi go lea njealjádin DNB fitnodaga buoremus viessovuovdi ruđalaččat.
– Mun lean oalle duhtavaš ja mu mielas lei hui somá vuoitit dákkár bálkkašumi. In lean oppa vuordánge dán, dat lei hui, hui somá, lohká son NRK Sápmái.
