Porsáŋggu gielda dieđiha maŋŋit sotnabeaivvi eahkedis, skábmamánu 15. beaivvi, ahte gielda lea ožžon dieđu ahte muhtin Porsáŋggu gieldda ássi lea iskojuvvon Covid-19 positiivan.
Porsáŋggu gieldda sadjásaš sátnejođiheaddji Sylvi Josefine Johnsen muitala preassadieđáhusas tiibmu kvártta váili ovccis sotnabeaivvi eahkedis ahte muhtin sin ássiin lea covid-19 positiiva.
Gielda diehtá geas dat lea njommon sutnje.
Sadjásaš sátnejođiheaddji Johnsen muitala ahte olmmoš gii dál lea duođaštuvvon Covid-19 positiivan, lea biddjon erremii ja dearvvašvuođabargit fuolahit su.
Su lagašolbmot leat maid biddjon erremii ja njoammudávdda guorran lea álggahuvvon.
