Sámi journalista Norgga beakkálmasaid searvvis Farmen čendis reality TV-ráiddus mas váldovuoitun lea biila.
Sámi journalista Norgga beakkálmasaid searvvis Farmen čendis reality TV-ráiddus mas váldovuoitun lea biila.
– Lean ožžon vásáhusaid ja muittuid maid dáiddáin muitit nu guhká go ealán, muitala Ronald Pulk NRK Sámii iđitsáddagis.
Son mieđiha gal gaskkohagaid áibbašan ruoktot.
Pulk lea sámi čendis mii oaččui jearaldaga searvat dán čendisgilvui maŋŋel go lei guossin Nytt på Nytt nammasaš TV-prográmmas.
Iešguđet lágan olbmot
Preassagovva: TV2
Son muitala ahte oasseváldiid gaskkas leat iešguđetlágan olbmot gos muhtimat leat boarkkat, muhtimat geat eai leat nu viššalat bargat ja earát ges viššalat.
Pulk muitala ge iežaset suhtadan gaskkohagaid mii dáidá leat lunddolaš go máŋggas orrot badjálaga unna visožis.
Gilvu bisttii guhtta vahkku, muhto Pulk ii sáhte muitalit guhká go son lei mielde. Pulk lea muitalan ahte meroštallá iežas gehppon logi gilo.
Prográmma oaidnimis juovlamánu rájes
Ronald Pulk lei okta 12 oasseváldis prográmmas mii lea báddejuvvon dán jagi, muhto gilvoprográmma sáddejuvvo ođđajagemánus.
Juovlamánus de sáddegoahtá TV2 Farmen 1919, muhto de dušše osiid main geahččit besset oahpásmuvvat prográmma oasseváldiiguin.
Earrát Ronald Pulk de beassat oaidnit boksejeaddji Ole “Lukkøye” Klemetsen, šibitdoaktára Trude Mostue ja modealla Kathrine Sørland.
Li Gård nammasaš oapmedálus Stange gielddas mii lea Mjøsa gáttis Hedemárkkus fylkkas.
