-Almmuhus-
-Almmuhus-
SMÁVVAOĐĐASATFargga guokte jagi áigi go Fovsen­duopmu celkui – dál áigot fas čájehit...

Fargga guokte jagi áigi go Fovsen­duopmu celkui – dál áigot fas čájehit vuoste­hágu

Journalista

-

-

Golggotmánu 11. beaivvi lea juste guokte jagi áigi go Fovsenduopmu celkui, ja dál leat sámi aktivisttat čoahkkaneame fas oaivegávpogii čájehan dihte vuostehágu go olmmošvuoigatvuođat eai doahttaluvvo.

Dál leat ráhkkanan nu ahte busset vulget eará gavpogiin, ja mihttu lea deaivvadit Oslos Stuoradikki olggobealde.

Busset vulget Bergenis Troandima bokte ja Osloi, Romssas ja Gárasavvona bokte Osloi, ja dakko bokte geahččalit čoaggit miehtá Norgga ja Ruoŧa sámeaktivisttaid mielde Osloi.

Loga maid:
– Stuora ávvu­beaivi Fovsen Njaarkei ja olles Sápmái

NSR nuorat dieđihit maid aktionisttaide ahte galget čađahuvvot lobálaš miellačájeheamit, muhto maid siviila jeagohisvuođa bokte miellačájeheapmi.

Mihttu sis lea čájehit ahte Norgga eiseválddit eai leat vel doahttalan Fovsen-duomu, mas celkui ahte bieggafápmopárka Fovsen Njaarkes rihkku doppe boazosápmelaččaid olmmošvuoigatvuođaid.

Loga maid:
Plánejit seamma stuora miellačájáhusaid go mannan dálvvi

-Almmuhus-