Bearjadaga besse olbmot gullat rádiodokumentára Elsa Laula riektegiččuid birra mat leat bistán 100 jagi Sámis.
Bearjadaga besse olbmot gullat rádiodokumentára Elsa Laula riektegiččuid birra mat leat bistán 100 jagi Sámis.
Elsa Laula Renberg lea ollugiidda báhcán sámi rahčamušaid symbolan. Badjelaš 100 jagi áigi lei son dat váldoovddasteaddji dan vuosttaš sámi riikkačoahkkimis.
Dokumentáras beasat gullat rahčamušaid birra luondduriggodagas, koloniseremis, dáruiduhttimis ja nállebiologiijas gitta rahčamušaid giela, dáidaga ja kultuvrra ektui, čállá UiT neahttasiiddus.
Dokumentára leat Astrid Fadnes, Susanne Nordmann, Eva Fjellheim, Kjersti Kanestrøm Lie ja Ingrid Fadnes ráhkadan. UiT čállá ahte dokumentáraráhkadeaddjit leat bargame dokumentára almmuhanbeaivvi oažžut sadjái.
Dokumentára lea njealji oasis, ja 23 nissona iešguđet agis leat jearahallon.
Mannan vahkku ledje Norgga árktalaš universitehtas rádiobottut gos olbmot besse gullat osiid dokumentáras.
