40 studeanta Finnmárkkus sáhttet beassat nuvttá fágaskuvlaohppui dearvvašvuođa ja sosiálafágas.
40 studeanta Finnmárkkus sáhttet beassat nuvttá fágaskuvlaohppui dearvvašvuođa ja sosiálafágas.
Studeantat lohket praktihkalažžan go ožžot gokčot olggosgoluid dán ohppui.
– Lea erenoamaš fálaldat ja dehálaš ovdánahttit buriid bálvalusaid suohkaniin Finnmárkkus. Mii sávvat ahte ollugat ohcet oahpuide, dadjá Johnny Ingebrigtsen, gii lea Máhttováldolávdegottis jođiheaddji Finnmárkku fylkkasuohkanis.
Oahppofálaldagat leat neahttaoahput, mii dahká vejolažžan čađahit oahpu ruovttus ja seastit mátkkoštangoluid.
– Neahta bokte oahppu heive bures Finnmárkkus gos leat guhkes gaskat ja unnán olbmot giliin ja báikkiin, lohká Ingebrigtsen.
Boarrásat ja buohccit
– Dán jagi leat vuoruhan oahppofálaldaga «Dearvvašvuohta, boarásnuvván ja doaimmalaš fuolla» ja leat 20 oahpposaji. Lea oahppu mii addá oahppái njunušoahpu bargat boarrásiiguin. Oahpat plánet, čađahit ja bidját johtui doaimmaid vai gáhtte fysalaš ja psykalaš dearvvašvuođa boarráset buhcciin. Dáinna máhtuin soitet boarrásat sáhttit orrut ruovttuin, leat guhkibut doaimmain ja unnit dárbbašit fuolahusa, lohka seniorráđđeaddi Fylkkamánnikantuvrras Vera Meyer preassadieđáhusas.
