Vuossárgga, borgemánu 9. beaivvi, álget Tromssas boahkuhit nuppi dosa sidjiide geat eai leat ollásit boahkuhuvvon.
Boahkuheapmi geavvá seamma ortnetvuoruin go vuosttaš dosa. Sii geat leat vuordán guhkimus, ožžot fálaldaga vuosttažin.
– Buohkat geat leat ožžon vuosttaš boahkkodosa, ožžot fálaldaga váldit nuppi boahkkodosa. Vai geavahat buot boahkkodosaid nu jođánit go vejolaš, de lea dárbbašlaš sirdit muhtun diimmuid, dan dadjá Tromssa suohkandoavttir Trond Brattland.
Buohkain geain sirdojuvvo dálá diibmu, sii ožžot dieđu SMS bokte. Jos ođđa áigi ii heive de ferte riŋget koronatelefovdnii, 46 90 78 99, ja oažžut ođđa diimmu.
– Go leat sirddašan boahkuid našuvnnaid gaska, de lea váttis ráhkadit diehtit galle boahkut bohtet Tromsii. Dát stivrejuvvo Álbmotdearvvašvuođainstituhtas. Mii oažžut diehtit galle dosa mii oažžut sullii 10 beaivvi ovdal, dadjá Brattland. Álbmotdearvvašvuođainstituhtta addá signála ahte nuppi dosa oažžut árabu go plána.
