-Almmuhus-
OĐĐASATFállet miljovnna kruvnna čuovggaid ođas­mahttimii

Fállet miljovnna kruvnna čuovggaid ođas­mahttimii

-

-

SeastinBáŋku 1 Davvi-Norga dieđiha sis lea miljovnna kruvdna maid sii leat várren čuovggaid ođasmahttimii. 

Muitalit sii dorjot gitta 100.000 kruvnnain juohke prošeavtta masa ohccojuvvo ruhta. 

SeastinBáŋku 1 Davvi-Norga dieđiha sii servet «Samfunnsløftet» dahje servodatloktemii ja sii sáhttet leat mielde bidjamin gitta 100.00 kruvnna bargguide logi báikkis gos plánejit ođasmahttit dahje oastit ođđa olgočuovggaid.

Báŋku ávžžuha ealáhusservviid, gávpejoavkkuid, giliservviid ja eaktodáhtolaš servviid Davvi-Norggas ohcat doarjaga olgočuovggaide čuvggodahttin dihtii guovllu skábman. Sáhttá maid juovlačuovggaide ohcat doarjaga. Ohcanáigemearri lea vuossárgga, golggotmánu viđát beaivvi.

SeastinBáŋku 1 Davvi-Norga lea várren ovtta miljovnna kruvnna dán ulbmilii. Guovtti vahku geahčen ožžot buohkat vástádusa. 

-Almmuhus-