Guovdu Guovdageainnu márkanbáikki lea dáid beassážiid beassan gávppašit sihke bivuid ja čiŋaid - ja gávpeolbmát leat ieža duđavaččat márkaniiguin.
Guovdu Guovdageainnu márkanbáikki lea dáid beassážiid beassan gávppašit sihke bivuid ja čiŋaid - ja gávpeolbmát leat ieža duđavaččat márkaniiguin.
Lea goalmmát jahki go duojárat čoagganit Guovdageainnu márkanguovddážii fállat sihke bivuid ja čiŋaid beassášmárkangussiide ja earáide geat bisánit sin márkaniin.
– Doalut leat sturron jagis jahkái, ja oainnán ahte leat eambbogat geat háliidit searvat. Juste odne, guhkesbearjadaga, eai leat buot duojárat dáppe, go leat muhtun duojárat geat hálidit bassebeivviid basuhit, eai ge gávppašit. Gaskavahkku ledje sii dáppe, ja ihttin, beassášlávvordaga gal lea fas buot duojárat sajis, muitala Kristine Ragnhild Eira gii lea ožžon johtui dáid márkaniid.
Festivállávu luhtte
Kristine Ragnhild muitala iežaset ovttasbargat Sámi Musihkkafestiválain ja duojáriid gávpebeavddit leat ge jur Musihkkafestivála festiválalávu olggobealde. Juste go Ávvir lea finadeame duojáriid luhtte, de lea konsearta festiválalávus ja gávppašeaddjit besse sihke dujiid geahčadit ja guldalit konseartta seammás.
Olu olmmoš
– Odne leat leamašan hui olu olbmot beaivet, dál maŋŋelgaskabeaivái gal leat veaháš unnon olbmot, lohká Kristine Ragnhild Eira gii obbalaččat lea hui duđavaš iežašet márkaniiguin:
– Dá gal lea juoga mainna áigut joatkit. Mii áigut maŋŋel beassážiid álggahit searvvi ja lean ge dál ožžon mielde olbmuid geaid dieđán hálidit ja gillejit bargat oažžut «Márkan» nugo mii gohčodit min duodjemárkaniid johtui.
– Márkan ii galgga leat čadnon dušše beassášdoaluide, mii áigut maid doallat dákkár doaluid čakčat dahje geassit, muhto dán eat leat vuos mearridan, lohká Kristine Ragnhild Eira vel.
Govvamontáša
– Hui somá deaivat olbmuid
– Mii leat beassan vuovdit dujiideamet ja dat mii lea leamašan hui somá lea deaivat olu olbmuid, lohká Árbi Of Sápmi fitnodaga eaiggát, Inger Elin Utsi. GEAHČA VIDEO:
