-Almmuhus-
-Almmuhus-
OĐĐASAT Fállet 90 000 liige­bálkká 

Fállet 90 000 liige­bálkká 

-

-

Ovtta Nordlándda suohkanis sáhttet oahpaheaddjit geat dohko álget bargui oažžut gitta 90 000 ruvnno liigebálkán. 

Alstahaug suohkan Nordlánddas geahččala bonusbálkkáin giktalit oahpaheddjiid álgit bargui dohko. Sii fállet ge ođđa oahpaheddjiide gitta 90 000 ruvnno liigebálkká.

–Dása lea hui čielga ágga. Lea váttis gávdnat oahppan oahpaheddjiid Alstahaugii, ja earenoamáš váttis lea gávdnat oahpaheddjiid 1.-4. ceahkki, čilge suohkanhoavda Connie Pettersen aviisii Helgeland Blad. 

Dárbbašit nuppelohkái oahpaheaddji

Suohkanis leat dál birrasii 100 oahpaheaddji barggus. Čakčii dárbbašit vel 10-12 oahpaheaddji. Muhto, sii nugo olu earát suohkanat Norggas, rahčet gávdnet oahppan oahpaheddjiid vuođđoskuvlii. 

Pettersen muitala ahte ovdal lávejedje leat čuođenáre ohcci virggiide. Maŋemus jagiid leat leamašan birrasii 30 ohcci ja dušše unna oasážis sis ea gáibiduvvon oahppu. 

Danne áigu ge suohkan dál geahččalit bonusortnega ja fállet 90 000 ruvnno bonusin ođđa 1.-4. ceahki oahpaheddjiide. Sii ožžot vuosttaš bargojagi 60 000 ruvnno ja nuppi jagi dan loahppa 30 000 ruvnno. 5.-7. ceahki oahpaheddjiide fállet ges 45 000 ruvnno bonusin, 30 000 ruvnno vuosttaš bargojagi ja čuovvovaš jagi vel 15 000 ruvnno. 

Bonusortnet guoská dušše ođđasvirgádemiide ja oahpaheddjiide geat maŋemus viđa jagis eai leat bargan suohkanis. Oahpaheddjiin geat ožžot bonusa fertejit deavdit gelbbolašvuođagáibádusaid.  (©NTB)

-Almmuhus-