Luostejok fápmorusttet fállá lasihit interneahtta-leavttu iežaset ostiide. Dát fálaldat ii mávsse eambbo go maid odne juo mávssat.
Luostejok fápmorusttet čallá iežaset Facebook-siiddus ahte sii dál fállet iežaset ostiide lasihit leahtu almmá liigegoluid haga. Dál fállet 50/50 Mbit interneahtta-leavttu danne go eanaš olbmot leat erremis, ruovttukantuvrras, bargame neahttaoahpahusain ja nu ain viidáset. Fálaldat lea maid máksámuša haga ovddos guvlui.