Fylkkamánni ja fylkkasuohkan vuolláičálle ovttasbargošiehtadusa mas mihttun lea lassánahttit dearvvašvuođa fágalaš gelbbolašvuođa Finnmárkui.
– Dat lea dehálaš midjiide Finnmárkkus, dadjá oahpahushoavda Margunn Blix preassadieđáhusas.
Ovttasbargošiehtadus gaskal fylkkamánni ja fylkkasuohkana guoská fágaskuvlaohppui Finnmárkkus, ja mihttu lea ahte suohkanat ja dearvvašvuođafitnodagat ožžot lassi gelbbolašvuođa dearvvašvuođas ja fuolahusas.
Eambbo fágaskuvlaoahppit
Fylkkamánni ja fylkkasuohkan leaba ovttasbargan máŋga jagi, ja boađus das lea lassáneapmi fágaskuvlastudeanttain, 11 studeanttas 2010:s 87 studentii 2016:s. Dat lea lassáneapmi 76 studeanttas guđa jagis.
Oahpahushoavda Margunn Blix dadjá ahte fágaskuvlaoahppi lea dehálaš Finnmárkulaččaide.
– Mis leat olu ássit geain lea fágaskuvlaoahppu ja fágaskuvla lea buorre vuohki buoridit iežas sierragelbbolašvuođa. Mii leat bargat systemáhtalaččat sihke kvalitehtain ja lassánahttit fágaskuvlaohppiid, ja danne lea hui somá oaidnit ahte mii lihkostuvvat, dadjá son.
Fylkkadoavttir Eivind Merok vuolláičálii šiehtadusa fylkkamánni ovddas.
– Suohkanis leat eambbo ja spesialiserejuvvon barggut dearvvašvuođa ja fuolahusas, ja lea dehálaš lassi gelbbolašvuohta, dadjá son.
Čoakkálmasat Finnmárkkus
Ovttasbargošiehtadus mielddisbuktá koordineret áŋgiruššama ja doaibmabidjoruđa. Dat dagaha oahppofálaldaga geasuheaddjin sihke suohkaniidda ja studeanttaide. Fálaldat lea neahtabokte mas čoakkalmasat Finnmárkkus.
– Lea dehálaš midjiide ahte čoakkalmasat leat báikkálaččat. Dat dagaha oahppofálaldaga eambbo relevántan, ja studeanttain šaddá buoret oktavuohta, dadjá oahppojođiheaddji Kathrine Nielsen. Son lea fágavásttolaš Medlearnas, ovddeš NKI neahttaskuvllas.
– Das ahte oallugat seamma bargosajis servet lea stuora mearkkašupmi gelbbolašvuođaloktemii maid vásihit bargosajin, dadjá son.
Earenomáš Norggas
Ovttasbargu gaskal fylkkasuohkana, fylkkamánni, suohkaniid ja fágaskuvllaid lea erenoamáš Norggas, oaivvilda Trine Bjerklund Hagen.
Das leat nu buorit bohtosat ahte skuvla dál bargá dan badjelii ahte “Finnmárkkumodealla” galgá váldot atnui muđui maid riikkas.
