-Almmuhus-
-Almmuhus-
OĐĐASAT Facebook sáhttá šaddat du báŋkun

Facebook sáhttá šaddat du báŋkun

-

-

Ođđa EU-direktiiva báŋkobálvalusaid birra álggahuvvo ođđajagemánu 13. beaivvi. Direktiiva rahpá vejolašvuođa ahte Facebook sáhttá šaddat báŋkun.

Direktiiva dahká ahte priváhtakundarat eaiggáduššet buot sin báŋkodieđuid. Dalle maiddái sáhttet kundarat addit dieđuid viidáseappot geasa háliidit. Ovdamearkka dihtii sáhttet addit Facebookii, nu ahte Facebook sáhttá ordnet buot min máksimiid, dieđiha NRK.

 

Eará gilvvohallandilálašvuohta Vippsii

Internationála jiehtanasat, nu go Facebook, Apple, Google ja Amazon, leat gergosat álkes máksinvugiin mat galget hohkahit min eret neahttabáŋkkus ja Norgga gilvaleddjiin, nu go Vipps.

– Dat dagaha áibbas ođđa gilvvohallandilálašvuođa Vippsii, duođašta Vipps-direktevra Rune Garborg.

 

Sáhttá šaddat váraleabbo

Go dákkár fitnodat lea báŋku, de sáhtát oažžut álkit árgabeaivvi, muhto várra maiddái váraleabbo, jáhkká Tor Andreassen, Norgga gávpeallaskuvlla (NHH) professor.

– Buot Facebook-geavaheapmi dál, buot liikojeaddjit, kommentarat ja poasttat, muitalit veahá du birra. Jus vel luoittát Facebook dahje eará bálvaleddjiid du ekonomalaš dieđuide, ožžot sii njealját, viđát dimešuvnna sin áddejupmái du birra. Sii áddejit du várra buorebut go dan maid sávat, muitala Andreassen.

 

(©NTB)

-Almmuhus-