Conifa Euro Cup 2019 Artsakh:s ii leat FA Sápmi birgen nu bures. Iežaset joavkkus, joavku A:s, vuoittáhalle Nagorno Karabach-Artsakh, Cameria ja Abkhasia vuostá. Duorastaga lávvardahkii galgá FA Sápmi čiekčat joavkku B vuostá, mat leat Sydossetien, Széklerlandet, Oarjearmenija ja Padania, gilvalit viđát gitta gávccát saji alde.
FA Sápmi spábbačiekči Benjamin Zakrisson gii čállá beaivegirjji Sameradion & SVT Sápmi ovddas Conifa Euro Cup:s Artsakh čilge ná sámeradioi.
– Sápmi beassá dál gilvalit viđát gitta gávccát saji alde, ja dat čiekčamat álget duorastaga Padania vuostá. Jus vuoitit, de beassat mii gilvalit viđát saji alde lávvardaga. Jus Sápmi vuoittáhallá Padania vuostá, de beassat mii gilvalit čihččet saji alde lávvardaga, lohká Benjamin Zakrisson.
Gaskavahkku eai lean spábbačiekčamat. FA Sápmi váldojođiheaddji Håkan Kuorak čállá Facebook siiddus ahte juohke eahkeda lea artisttat guoimmuhan Stepanakert stuorra lávddis Artsakh Conifa Euro 2019.
