-Almmuhus-
-Almmuhus-
-Almmuhus-
OĐĐASATEvttot Sámedikki giellaloktenbálkkašumi vuoiti

Evttot Sámedikki giellaloktenbálkkašumi vuoiti

-

-

Sámediggi geige giellaloktenbálkkašumi Riikkaidgaskasaš eamiálbmotgielaid jagi 2019 ja bivdá álbmoga evttohit vuogas vuoiti.

Norgga beale Sámediggi juohká Sámedikki giellaloktenbálkkašumi vuosttaš geardde 2019:s Sámi giellavahku ja Riikkaidgaskasaš eamiálbmotgielaid jagi 2019 oktavuođas. 

– Árval doaimmahaga dahje organisašuvnna, mii vuohkkasit geavaha ja čalmmustahttá sámegiela(-id) beaivválaš doaimmas, čállá Sámediggi preassadieđáhusas.

 

Buohkat sáhttet árvalit

Bálkkašupmi lea 30 000 kruvnna ja dáiddadiploma. Bálkkašumi ii sáhte juohkit Sámediggeráđi miellahtuide dahje Sámedikki hálddahussii.

Buohkat sáhttet evttohit geat sin mielas berreše oažžut dát giellaloktenbálkkašumi.

Čális oanehis čilgehusa manin du mielas berrešii du evttohas vuoitit ja sáddes dan Sámediggái, samediggi@samediggi.no,ovdal čakčamánu ovccát beaivvi 2019. 

 

Geigejuvvo golggotmánu 24. beaivvi

Lea Sámediggeráđđi mii mearrida gii oažžu bálkkašumi ja dat geigejuvvo vuoitái Giellavahkku doalus Kárášjogas golggotmánu 24. beaivvi 2019.

-Almmuhus-