-Almmuhus-
-Almmuhus-
-Almmuhus-
OĐĐASATEvttot nama ođđa skuvlii

Evttot nama ođđa skuvlii

-

-

Romssa ja Finnmárkku fylkkagielda hástá buohkaid árvalit vuogas nama fágaskuvlii maid ásahit go časket oktii golbma fágaskuvlla. Evttot nama, sáhtát vuoitit golbma duhát kruvnna. 

Romssa ja Finnmárkku fylkkagielda dieđiha ahte 2021 borgemánu vuosttaš beaivvi rájes, ovttastahttojuvvojit  Fagskolen i Troms, Nordkapp Maritime Fagskole ja Fagskolen i Kirkenes fágaskuvllat oktan skuvlan, čállá fylkkagielda preassadieđáhusas. Ođđa fágaskuvllas váilu namma. Fágaskuvlaoahppu lea alit dási virgefágalaš oahppu ja oahpaha jođiheaddjiid ja gaskadásijođiheaddjiid sihke almmolaš ja priváhta fidnuide. Dáinna oahpuin ožžot oahppit gelbbolašvuođa maid Romssa ja Finnmárkku ealáhussuorggit ohcalit go sii sáhttet bargagoahtit ealáhusas go gerget skuvllas. 

– Evttot don ge vuogas nama fágaskuvlii. Jury deattuha ahte nama sáhtašii geavahit sihke dáro-, sáme- ja eŋgelasgillii, ahte namma muitalivčče mii dat lea, ahte lea álki dan jienádit ja čállit. Livčče maid ovdamunni jus dat govvešii ođđa fágaskuvlla guovllu, lohká Romssa ja Finnmárkku ođđa fágaskuvlla gaskaboddosaš stivrajođiheaddji Østen Mortvedt ja sáhttá sus oažžut eambbo dieđuid.

Áigemearri lea 2021 guovvamánu 12. beaivvi tiibmu 12.00. Evttohus galgá sáddejuvvot čálalaččat navneforslag@tffk.no. Evttohusa ferte merket  namain ja čujuhusain. Son guhte evttoha vuoitonama, vuoitá 3.000 kruvdnosaš skeaŋkakoarta maid sáhttá geavahit muhtin buvddas Romssas dahje Finnmárkkus maid ieš vállje. 

-Almmuhus-