-Almmuhus-
MAGASIIDNA Evttot gii ánssáša namahusa «Dán jagáš sápmelaš» 

Evttot gii ánssáša namahusa «Dán jagáš sápmelaš» 

-

-

Gii ánssašivččii namahusa «Dán jagáš sápmelaš» dán jagi? Dál bovdet mii iežamet lohkkiid evttohit gii ánssášivččii dan namahusa.

Dán jagi, nu go ovddit jagiid, de nammadit mii ovttas iežamet lohkkiiguin «Dán jagáš sápmelaš». 

Son gii nammaduvvo galgá bargan buori sámeservodaga ovdii. 

Lea go beaggán? Lea go ollašuhttán juoidá? Lea go rahčan juoga man nu dihte? Dahje sáhttet leat eará ákkat manne ánssáša namahusa «Dán jagáš sápmelaš». 

Dat sápmelaš soaitá beaggán ollu sámemediain dahje vel viidábut iežas barggu dahje rahčamuša oktavuođas. Beakkálmasvuohta stuorraservodagas ii leat váldoágga evttoheapmái.

Sáddes iežat evttohusa oktan oanehis ákkastallamiin deike: post@avvir.no dahje sáddes dieđu midjiide Ávvira Facebook-siiddus. 

Áigemearri mánnodat 09.12.19.

Dan maŋŋel besset Ávvira lohkkit jienastit gii galgá nammaduvvot 2019 sápmelažžan.

- Advertisement -
-Almmuhus-