Dál lea fas áigi evttohit evttohasaid dán jagáš fylkkagielddalaš bálkkašumiide: johtolatsihkkarvuhtii, kultuvrii, ássanmillii, álbmotdearvvašvuhtii ja dán jagáš oahppofitnodahkii. Buohkat sáhttet evttohit evttohasaid, dieđiha Finnmárkku fylkkagielda.
Finnmárkku fylkkagielda juohká jahkásaččat vihtta iešguđetlágan bálkkašumi, gudnejahttin dihtii sin geat leat bargan erenoamáš buori barggu suorggiset siskkobealde.
Politihkkárat mearridit geat bálkkašumiid galget oažžut ja dat geigejuvvojit fylkkadikki čoahkkima oktavuođas golggotmánus.
Bálkkašumiid geigejupmi
Buot bálkkašumiid vuoitit bovdejuvvojit erenoamáš meanuide čakčat fylkkadiggečoahkkima oktavuođas Fylkkaviesus, Čáhcesullos.
Finnmárkku fylkkagielda gokčá mátke- ja orrungoluid.
Jagis 2017 lágiduvvo bálkkašumiid geigejupmi gaskavahku golggotmánu 25. beaivvi.
Bálkkašumit
-
Fylkkakulturbálkkašupmi
- Johtolatsihkkarvuođabálkkašupmi
- Álbmotdearvvašvuođabálkkašupmi
- Ássanmiellabálkkašupmi
- Dán jagáš oahppofitnodat
Evttot evttohasaid
Buohkat sáhttet evttohit evttohasaid.
Evttoheaddji galgá vuođuštit evttohasa doaimmaid, man guhká lea bargan ja maid son lea olahan.
Evttohanáigemearri lea miessemánu 21. b. 2017.
