-Almmuhus-
-Almmuhus-
OĐĐASATEvtto­huvvon Por­sáŋggu ođđa suohkan­direktevran

Evtto­huvvon Por­sáŋggu ođđa suohkan­direktevran

-

-

Loahpalaš mearrádus dahkko suokanstivračoahkkimis. 

Mannan giđa bođii diehtu ahte Porsáŋggu suohkandirektevra Bente Larssen luohpá. Suohkandirektevrra virgi lea leamaš almmuhuvvon ja disdaga mearridii Porsáŋggu virgádanlávdegoddi evttohit Steinar Sæterdal (65-jahkásaš) ođđa suohkandirektevran.

Sæterdal lea, ja lea ain, 2018 rájes leamaš Moskenesa suohkandirektevra, Oarje-Lofuohtas. Son lea doppe earret eará jođihan nuppástuhttinbargguid maŋŋel go suohkan ražai vuollebáhcagiin máŋga jagi. 

Sæterdal lea guhká bargan sihke mátkeealáhusas ja almmolaš sektoris. Son lea leamaš OVDS konseardnadirektevra ja Nordlándda fylkkasuohkana johtalushoavda.

– Sæterdal lea eallilan jođiheaddji geas lea nanu gelbbolašvuohta, fierpmádat ja persovnnalaš iešvuohta. Sus lea dakkár bargohárjaneapmi maid mii jáhkkit lea dehálaš Porsáŋgui boahttevaš jagiid, lohká Aina Borch preassadieđáhusas. Borch lea jođihan virgádanlávdegotti. 

Porsáŋggu suohkanstivrras, čakčamánu 15. beaivvi, galgá virgádeapmi loahpalaččat mearridivvot. 

-Almmuhus-