-Almmuhus-
OĐĐASATEvtto­hit ođđa njuolgga­dusaid luossa­bivdui 2021 rájes

Evtto­hit ođđa njuolgga­dusaid luossa­bivdui 2021 rájes

-

-

Birasdirektoráhtta lea evttohan unnidit mearraluossabivddu miehtá Norgga ja gieldit luossabivddu dain čázadagain gos váilu bivdoraporta. 

Birasdirektoráhtta lea sádden gulaskuddamii ođđa guolástanmearrádusaid evttohusa 2021 rájes luosaid, mearradápmohiid ja mearrarávdduid ektui. Evttohus lea ráhkaduvvon dan vuođul maid báikkálaš proseassa lea čájehan ja cealkámušaid mielde maid fylkkamánnit leat buktán johkaguolásteami birra. 

Dálkkadat- ja birasdepartemeanta lea maid bivdán Birasdirektoráhta árvvoštallat movt ođđa reguleren váikkuha álgoálbmotvuoigatvuođaide mearrasámi guovlluin. ILO-konvenšuvdna, luossaláhka ja luondduvalljivuohta galgá addit vuoigatvuođaid sámi kulturdoaimmaide. 

– Go galgá vuhtii váldit mearrasámi kultuvrra ja smávva ja hearkkes luossanáli, de šaddá dat deháleamos gáržžádus dán guovllus dat evttohus ahte gieldit bivdima roahkkefirpmiin. Roahkkefierbmebivdu addá eanet fierbmevahágiid ja roahkkefirpmiin bivdojuvvojit dat deháleamos luossasturrodagat, mat dávjá maiddái leat njiŋŋelas luosat. Danne lea roahkkefierbmebivdu leamaš gildojuvvon Romssa guovllus lulás 2002 rájes, dadjá Birasdirektoráhta direktevra Ellen Hambro preassadieđáhusas.

Dá leat muhtun dain evttohusain maid Birasdirektoráhtta leat buktán:

Ii galgga lohpi roahkkefirpmiin bivdit boahtte regulerenáigodagas (dušše lohpi Finnmárkkus dál).

Bivdolohpi biddjo 440 čázadahkii.  Dálá mearrádusa mielde lea lohpi bivdit 1031 čázadagas.

Ii galgga lohpi bivdit čázadatguovlluin gos váilu bivdoraporta.

Čázadagain gos lea váilevaš organiseren ii galgga lohpi bivdit. 

Čázadagain gos nálledilli lea heittot dahje gos hálddašanulbmil ii ollašuva, dain čázadagain galgá unnidit bivddu dahje gieldit bivddu. 

-Almmuhus-