-Almmuhus-
-Almmuhus-
OĐĐASAT Evttohit luoitit jávohis­geatnegas­vuođas

Evttohit luoitit jávohis­geatnegas­vuođas

-

-

Ráđđehus lea evttohan láhkarievdadusa mii guoská jávohisgeatnegasvuhtii mii dearvvašvuođabargiin lea.

Cuoŋománu biddjui bealátkeahtes lávdegoddi mii galgá guorahallat ja árvvoštallat ráđđehusa koronagieđahallama. Dál lea ráđđehus árvalan ahte almmolaš eiseválddit ja olbmot geaidda guoská jávohisbággu, galget beassat friddja addit dieđuid lávdegoddái. Dan dieđiha ráđđehus iežaset neahttasiidduin.

– Lea dehálaš ahte lávdegoddi beassá geahččat buot beliid eiseválddiid gieđahallamis. Nu mii oahppat ja sáhttit ovdánit, dadjá justiisa- ja gearggosvuođaministtar Monica Mæland (O).

Evttohusas biddjo maid lávdegoddái jávohisbákku dieđuide mat gullet jávohisbággui.

– Mii áigut addit koronalávdegoddái buoremus vuogádaga bargat sin barggu, ákkastallá Mæland.

- Advertisement -
-Almmuhus-