Internationála mearradutkanráđđi ICES lea mielas lasihit dorskeeari Barentsábis 147 600 tonnain 2021:s. Dat dagaha 20 proseantta lassaneami dán jagis.
Dasa lassin evttoha ICES ahte earit sihke juvssu, sáiddi ja hágá earri maid galgá lassánit boahtte jahkái, dieđiha Mearradutkaninstituhtta disdaga.
– Danne go mii leat áicán heajos individuála ahtanuššama ja lassáneami dorskenáli kannibalismmas, de sáhttá ráđđi orrut hirpmástuhtti. Muhto fertet muitit ahte dán náli ávkkástallannjuolggadus cealká ahte sáhttá oaggut eambbo nális jus gođđologut leat nu alladat go dál leat, dadjá áhpedutki Bjarte Bogstad.
Seammás váruha son ahte ii sáhte vuordit ahte earri lea seamma allat čuovvovaš jagiid.
©NTB
