Evtto­hit heaitti­hit doarja­giid

Go Kárášjoga gielddastivra galgá meannudit boahtte jagi bušeahta, de lea hálddahusa bealis evttohuvvon šluhttet doarjagiid muhtin organisašuvnnaide.

Hálddahusa bušeahttaevttohusas boahtá ovdan ahte sii ávžžuhit šluhttet Riddo Duottar Museaid (220 000 ruvnno), Sámi Dáiddaguovddáža (172 000 ruvnno), Sámi Dáiddaskuvlla (100 000 ruvnno) ja Eisevári eaktodáhtolašguovddáža (270 000 ruvnno) doarjagiid. 

Dát ruđat evttohuvvojit baicca adnot siskkáldasat gielddas, gollogeahpideapmái.