Bargiidbellodaga sámediggeáirras John Kappfjell oaivvilda maŋimuš áiggi «Chronic Wasting Disease» dávdda leavvama čájehit dárbbu ásahit riikkaviidosaš dearvvašvuođabálvalusa bohccuid várás.
Bargiidbellodaga sámediggeáirras John Kappfjell oaivvilda maŋimuš áiggi «Chronic Wasting Disease» dávdda leavvama čájehit dárbbu ásahit riikkaviidosaš dearvvašvuođabálvalusa bohccuid várás.
– Njoammudávddat sáhttet álkit leavvat, go olbmot mátkkoštit eanet ja eanet riikkarájáid ja nannámiid rastá. Dávjá leat biebmoeallit mat njoammudit dávddaid meahccefuođđuide, dadjá son.
John Kappfjell čujuha eará vuođđoealáhusaide maidda leat ásahuvvon dearvvašvuođabálvalusat šibitdoalus ja biebmanealáhusas ja sáhttet čájehit buriid vásáhusaide dáid bálvalusain.
Beairrágeahččuváldi
Viidáset čilge son ahte Šibitdoavtterinstituhtta ovttas Biebmobearráigeahččun leat dat orgánat main lea bearráigeahččováldi elliiddearvvašvuođain obbalaččat.
– Dearvvašvuođabálvalus bohccuid várás sáhttá rávvet ealáhusa mo dustet dáid áitagiid mat čuožžilit, seammás go bálvalus sáhttá veahkehit dainna gelbbolašvuođain mii sis lea dutkamis boazodávddaid. Dákkár bálvalus sáhttá eastadeaddji doaibmabidjun eastadit roasuid ealáhusas, dajai Kappfjell sárdnestuolus gaskavahkku.
Sin bellodat ávžžuha Sámediggeráđi váldit álgaga dearvvašvuođabálvalusa ásaheapmái.
