Ráđđehus háliida nannet bargorihkusáššiid eastadami ja evttoha geavahit 42 miljovnna kruvnna ásahit ođđa Romssa ja Finnmárkku bargorihkusguovddáža Áltái.
– Ásahit ođđa nu gohčoduvvon a-krimguovddáža dahje bargorihkusáššeguovddáža Áltái, galgá eastadit earret dábálaš bargorihkusáššiid, mat leat miehtá riikka, maiddái nannet sullasaš hástalusaid guolástusealáhusas, lohká bargo- ja sosiálaministtar Torbjørn Røe Isaksen.
Lohká bargoeallinrihkusáššit váikkuhit duođalaččat sihke bargiide, ásahusaide ja servodahkii. Davvi-Norggas leat seamma hástalusat go muđui riikkas. Davvi-Norggas leat maid erenoamáš hástalusat mat gusket guolástusealáhussii ja guhkes gaskkat ja danin lea dárbu ásahit ođđa a-krimguovddáža Altá.
– Dán eastadanbarggu nannema bokte áigut mii geahpedit bargorihkkusáššiid Romssas ja Finnmárkkus, lohká bargo- ja sosiálaministtar Torbjørn Røe Isaksen.
A-krimguovddážiid bokte ásahit Bargobearráigeahčču, Vearroásahus, Politiija ja NAV govda ovddasbarggu eastadit a-krima. Doaivva lea go sii ovttasráđiid barget ja heivehit ráŋggáštušvejolašvuođaid, de lea beaktilabbo eiseválddi bearráigeahčču. A-krimguovddáš Álttás šaddá gávccát guovddáš maid ráđđehus lea ásahan 2015 rájes.
