Sámiid riikkabellodaga jođiheaddji Per-Olof Nutti jođiha bellodaga guovvamánnui. Muhto boahtte jahkečoahkkimis mearriduvvo gii jođiha bellodaga sámediggeválgii. Bellodat lea maid evttohan Matti-Blind Berg bellodatjođiheaddjin.
Giđđadálvvi galggai Sámi riikkabellodaga jahkečoahkkin lágiduvvot, muhto áigumuš heaittihuvvui korona dihte.
Dalle lei Matti Blind Berg evttohuvvon Sámi riikkabellodaga jođiheaddjin. Son lea dál Girjás čearu ságadoalli.
– Mus leat olu eará barggut ja jus álgá bellodatjođiheaddjin, de ferte bargat 100 proseantta, dadjá Matti-Blind Berg sámerádioi ja SVT Sápmái.
Jahkečoahkkin plánejuvvo lágiduvvot guovvamánus. Ja Per-Olof Nutti ii hálit vástidit háliida go joatkit bellodatjođiheaddjin jus oažžu dan jearaldaga.
– Mun ferten jurddašit, dieđiha son Sámeradioi ja SVT Sápmái.
Boahte jagi miessemánus lea Ruoŧas sámediggeválga.