Sosialisttalaš Gurutbellodat evttoha álggahit duohtavuođakommišuvnna dutkan dihte makkár váikkuhusat dáruiduhttimis ledje sámiide.
Sosialisttalaš Gurutbellodat evttoha álggahit duohtavuođakommišuvnna dutkan dihte makkár váikkuhusat dáruiduhttimis ledje sámiide.
Kommišuvdna galgá guorahallat makkár váikkuhusat ledje dáruiduhttinpolitihkas sámi guovlluin, mii nogai 60-logus, dieđiha NRK.
Sámediggi lea guhká bargan oažžut dakkár duohtavuohta- ja soabadankommišuvnna.
– Dál ferte geahčadit daid roasuid ja vearrivuođa maid sámit leat vásihan ja gillán, dadjá SG stuoradiggeáirras Kirsti Bergstø.
– Olles buolva doalai giela čiegusin. Maŋit buolva ii šat oahppan gielaset go lei jávohisvuohta mii čiegadii giela. Dát lea dieđusge dehálaš, muitala Bergstø. (©NTB)