Norgga Suodjalus lea mearridan ahte ođđa mearrabearráigeahččogirdit P8 galget biddjot Evenáššái.
Vuosttaš ođđa bearráigeahččogirdi boahtá Norgii 2022:s. Oktiibuot galget vihtta ođđa girdi boahtit mat galget boahtit dál Orion-girdiid sadjái.
Lea leamaš eahpesihkar gosa girdit galget biddjot go bohtet, das go Evenášši stašuvdna ii leat vuos gárvvis. Dál čállá NTB ahte suodjalushoavda lea mearridan ahte girdin galgá bissovaš stašuvdna Evenáššis dan rájes go bohtet Norgii.
– Suodjalus oaivvilda eanemus heivvolažžan ahte girdit biddjojit njuolga dan stašuvdnii gosa gullat, nu movt Stuoradiggi lea mearridan. Dat addá buoret vejolašvuođaid duohta geahččalemiide girdiin ja beassat árvvoštallat girdioperašuvnnaid seammás go sáhttit ovddidit operatiiva konseapttaid, čállá Suodjalusbargoveaga viseadmirála ja hoavda Elisabeth Natvig mearrádusas Suodjalusdepartementii.
