Maŋimuš jagiid leamaš stuorra beroštupmi mo vuovddit váikkuhit dálkkádatrievdamiidda ja vuovdedoalu váikkuhus boazodollui ja biologalaš máŋggabealatvuhtii.
Boazodoalo lávdegotti jođiheaddji Marita Stinnerbom mielas lea EU vuovdeáigumuš dahje strategiija buorre ja lohká dat váikkuha Ruoŧa beale Sámedikki boahttevaš vuovdepolitihkkii. EU vuovdeáigumuš lea oassi barggus geahpedit áibmonuoskkideami 55 proseanttain jagi 2030 rádjái ja jurdda lea eanet muoraid gilvit vai vuovdi stuorru.
– Dat doarju min boazodoalloealáhusa ja mii leat dieđihan mii háliidat dan mielde ruoŧa vuovdedikšumii. Lea buorre vuosttaš lávki, lohká Guovssonásti bellodatjođiheaddji, Marita Stinnerbom, SVT.se.
Muhto Ruoŧa stuorámus opposišuvnna bellodagaid jođiheaddjiid mielas ii leat EU vuovdestrategiija nu hirbmat buorre go sii jáhkket dán sáhttá váikkuhit garrasit sihke ruoŧa ja sámi vuovdeeaiggádiidda.
