-Almmuhus-
-Almmuhus-
-Almmuhus-
SMÁVVAOĐĐASATEU juolludan olu ruđa UiT:i

EU juolludan olu ruđa UiT:i

-

-

Dutkan mii nanne ruoná molsašumi, maid UiT-seniorneavvu Tamer Abu-Alam jođiha, lea ožžon prošeaktadoarjaga. 

Dát innovašuvdnadutkanprošeakta man UiT-jođiha lea ožžon 1,2 miljovnna Euro EUs innovašuvnna- ja teknologiijainstituhtas, čállá UiT preassadieđáhusas. Lea UiT bargojoavku mii galgá jođihit prošeavtta man ulbmil lea stuoridit digitála kapasitehta čoavdin dihtii dálkkádat- ja birashástalusaid Eurohpás. Akademiija ja ealáhusat galget prošeavtta bokte nannet innovašuvnna ja gründerjurddašeami, geahpedit dálkkádatgássaid luoitima ja doarjut ásahusaid mat álggahit ođđa bargosajiid mat leat čatnon ruoná molsašuddamii.  Teknologiijainstituhta lea deattuhan ahte UiT dáinna dutkanprošeavttain lea mielde loktemin alit oahpu dási Eurohpás. 

Lea Biodieđálaš fakultehta Árktalaš ja Mariidna biologiija instituhta ja guolástus ja ekonomiija ovttasráđiid universitehtabibliotehkain mat jođihit prošeavtta «CloudEARTHi».

– Mii, UiT – Norgga Árktalaš universitehtas, oažžut dáinna lágiin vejolašvuođa jođihit ovtta dain 23 prošeavttain maid dát ásahus ruhtada. Mii leat gohčodan iežamet prošeavtta «CloudEARTHi» govahallan dihtii prošeavtta ulbmila nanosmahttit universitehtaid ja ealáhusaid váldit atnui «Big Data», čilge UiT kultur- ja servodatfágagirjerádjosa seniorneavvu Tamer Abu-Alam.

Son muitala UiT ovttasbargá dáinna dutkanprošeavttain Edinburgh universitehtain (UK), Varna teknihkalaš universitehtain Bulgarias, Alicante universitehtain Espánnjas, Burgenland dieđalaš universitehtain Nuortariikkas ja  «G-force» gávpeovttasbargu.

-Almmuhus-