Maŋŋel ođđa báru njoammumis Itálias, lea EU bidjan 232 miljovnna euro vai sáhttet vuosttaldit hástalusaid čadnon covid-19-virusii.
– Go leat jápmán badjel 2600 olbmo, de ii leat eará go ráhkkanit buot dásiin, dadjá EU-komissára Janez Lenarcic.
Sullii bealli ruđain manná WHO bargui eastadeapmái ja dikšumii riikkain gos lea heajos dearvvašvuođavuogádat. Reasta manná stuorra oasis dutkamii, ovdamearkka dihtii bohkui.
Lenarcic dadjá ahte fertejit leat dieđalaš ráđit ja riskaárvvoštallamat sivvan manne bidjet doaimmaid nu go giddet rájáid siskkobeale Schengen-riikkaid.
