-Almmuhus-
-Almmuhus-
-Almmuhus-
OĐĐASATErna Sol­berg rahpá Nanne-konfe­ránssa

Erna Sol­berg rahpá Nanne-konfe­ránssa

-

-

Go FeFo jearrá mo Finnmárkku luondu sáhttá buvttadit eambbo ceavzilis bargosajiid, de dat dáhpáhuvvá maŋŋel go stáhtaministtar lea sávvan bures boahtima konferánsii.

– Mii leat hui ilus go stáhtaministtar Erna Solberg ja sámediggepresideanta Aili Keskitalo leaba lohpidan searvat ja rahpat min konferánssa, lohke FeFo gulahallanjođiheaddji Robert Greiner preassadieđáhusas. FeFo konferánsa Nanne/Styrk lea ollásit digitálalaš ja dán jagi fáddá lea «Mainna mii galgat eallit?» Konferánsas galgá earret eará lágiduvvot sámi sátnejođiheddjiid čoahkkin ja debáhtas digaštallet NSR, Bargiidbellodat, Nordkalottfolket ja Guovddášbellodat dán fátta. 

– Ruoná nuppástuhttima dáfus lea dehálaš sihkkarastit čálggu bargosajiid bokte, earenoamážit koronapandemiija maŋŋel. FeFos lea strategiijan ahte galgat searvat positiiva servodatovdánahttimii. Dáinna lágiin háliidat searvat servodatdebáhttii. Boahttevaš beivviid almmuhat maid eambbo miellagiddevaš logaldalliid, lohká Greiner.

Konferánsa lágiduvvo guovvamánu 3. ja 4. beaivvi ja sáddejuvvo FeFo Facebook-siiddu ja YouTube kanála bokte. Dál lea nuppes go FeFo lágida dakkár konferánssa.

-Almmuhus-