Stáhtaministtar Erna Solberg (O) galggai oassálastit ráđđehusa davviguovlludieđáhusa almmuheamis Álttás, muhto válljii leat mielde lágideamis Oslos.
– Šállošan go in sáhttán leat din searvvis odne, dajai Solberg go álggahii almmuheami bearjadaga.
– Nationála dilálašvuohta dahká ahte fertet gáržžidit gallis sáhttet čoahkkanit. Mun illudan dasa go sáhttit eambbosat deaivvadit seamma sajis.
Dán vahkku leat garra šiehtadallamat boahtte jagáš bušeahtain Stáhtaministara kantuvrras. Olgeš-jođiheaddji Erna Solberg ja bellodatjođiheaddjit Guri Melby (G), Kjell Ingolf Ropstad (Risttalaš Álbmotbellodat) ja Siv Jensen (Ob) oassálastet šiehtadallamiin.
Ii leat čielggaduvvon šaddá go ođđa šiehtadallančoahkkin bearjadaga.
(©NTB)