-Almmuhus-
OĐĐASATErna Solberg doaivu vaksinerema sáhttit álgit ovdal ođđajagi

Erna Solberg doaivu vaksinerema sáhttit álgit ovdal ođđajagi

-

-

Stáhtaministtar Erna Solberg (O) doaivu ahte vuosttaš vaksiinna koronavirusii sáhttá boahkuhit jo basiid gaskka dahje ođđajagevahkkoloahpa. Ieš ferte vuordit.

Stáhtaministtar álggahii iežas ovddit preassakonferánssa jagi 2020 čoahkkáigeasuin. Dat lei čilgehus earálágan ja gáibideaddji jagis. 

Muhto Solberg sávvá ahte Norga sáhttá geahččat ovddas guvlui ja beassat eret heahtedilis.

– Reaiddut vaksiidnii leat diŋgojuvvon ja jođus. Sihke boahkut, dálkkasnálut, desinfiserenservieahtat ja galmmihanskábet leat jođus. Ii leat veadjemeahttun ahte vuosttaš vaksineremat Norggas gevvet jo basiid gaskka dahje ođđajagevahkkoloahpa, dajai Solberg.

Muhto dat ii mearkkaš ahte heahtedilli lea nohkan.

– Seamma ládje go heahtedilli lea bistán, de dat bistá ain ovdal go beassat eret dán dilis.

Čuoččasta ráidui

Stáhtaministtar ferte ieš maid vuordit ovdal go beassá boahkuhuvvot.

Son čielggada ahte hearkkes joavkkut leat ovddemusas ráiddus.

– Mun lean dearvvas ja lášmat measta 60-jahkásaš, danne in leat vuoruhuvvon oasis. Mun in jáhke oktage pláne ahte mun galggan vuoruhuvvot ovdal go gerget hearkkes joavkkuiguin, dadjá Solberg.

Álbmotdearvvašvuođainstituhta dieđuid mielde ii leat vuos mearriduvvon goas vaksineren galgá álgit, muhto plána galgá leat sajis bearjadahkii.

Seammás lea čielggas ahte vaksiinnaid olahanmuddu gáržžiduvvo muhtin áigái.

Doarrut báikkálaččat

Solberg doaivu vaksineren lea álgu heaittiheames heahtedili. Mađi eambbosat ožžot vaksiinna, dađi unnit lea riska ahte dearvvašvuođalágádus noađuhuvvo garra njoammumis.

Muhto son maid ballá ahte norgalaččat ložžejit menddo árrat.

– Mii fertet nákcet maŋimuš miilla vel, dadjá Solberg NTB:i.

– Muhto mun jáhkán dan šaddat pedagogalaččat váttisin. Danne soaitá šaddat vaksineren ja njoammunleavvan oktanaga, go olbmot eai smiehta ahte lea várálaš.

Ieš meroštallá ahte mii fertet čuovvut njoammunsuddjendoaibmabijuid goit beassážiid rádjái. Boahtte geassi sáhttá šaddat earáláganin go mannan geassi.

Ballu mii stáhtaministaris lea, lea ahte juovlaávvudeapmi dagaha ođđa njoammumiid. Muhto jus nu ii šatta, de doaivu ahte sáhttet ložžet nationála doaibmabijuid.

– Muhto mun doaivvun ahte báikkálaččat fertejit leat gergosat doarrut njoammumiin. 

Váillaha Parisa

Juoga man Solberg ieš váillaha, lea mátkkoštit ja ságastallat olbmuiguin árgabeaivválaš ságaid birra. Dat buktá sutnje movtta ja inspirašuvnna.

– Ovdal juovllaid leat mii buohkat oalle dolkan digitála čoahkkimiidda. Olmmoš vávjá ahte šaddet olu háhppilis dieđut, dadjá son.

Stáhtaministara niehku boahtte jahkái lea álki: Ovttastallat máŋggain olbmáin oktanaga ja fitnat konsearttain ja festiválain fas.

Ja oažžut buori buorrestaga:

– Mus lea guokte mehtera gaska buohkaide earret go Sindrii.

Viidáset sávvá son ahte beassá fargga fas fitnat jiellatgávpogis Parisas.

– Mun galgen rievtti mielde leat Parisas Kristus albmáimannanvahkkoloahpa. Dalle devddii mu buorre olmmái ja náittosvihtan 60 jagi, ja de galge stuorra doalut su šiljus máŋggain boares olbmáin. Dat šluhttejuvvui, muitala Solberg.

Muhto lea ain doaivva. Náittosvihtan lea mearridan ávvudit ođđa 60-jagibeaivvi  boahtte jagi.

– Mii doaivut ahte ii heaittihuvvo 2021:s maid, dadjá stádaministtar.

(©NTB)

-Almmuhus-