Janoš Trosten, gii ovddasta Árjja Sámedikkis, nubbin várrelahttun, lea cealkán iežas eret Sámedikki jienastuslogus. Dan lea dieđihan preassadieđáhusa bokte duorastaga čuovganeapmai.
Janoš Trosten, gii ovddasta Árjja Sámedikkis, nubbin várrelahttun, lea cealkán iežas eret Sámedikki jienastuslogus. Dan lea dieđihan preassadieđáhusa bokte duorastaga čuovganeapmai.
Janoš Trosten, gii ovddasta Árjja Sámedikkis, nubbin várrelahttun, lea cealkán iežas eret Sámedikki jienastuslogus. Son dieđiha preassadieđáhusa bokte ahte son lea lossa mielain, bákčasiin ja botnihis jurddašemiin dieđihan sámediggái iehčan eretcealkima sámedikki jienastuslogus.
– Dálá vuoigatvuođadilli Gonagasriikkas Norggas ii doalat mu jienastuslogus ja mun dás čilgen manne mun dagan dan lávkki, cealká son.
Janoš Trosten oaivvilda stáhta sihkku vuogádatlaččat sámi álbmogis vuoigatvuođaid ja dahká dan dan bottago Sámediggi eallá ja doaibmá olmmošvuoigatvuođaid julggaštusaid vuođul.
Oaidná stáhta ii beroš
Trosten oaivvilda Sámediggi lea ásahuvvon gokčan dihte fasttes gobiid ja sorpmiid maŋŋá romis ja álfárot váivves áigedilálašvuođas mii dáruiduhttin lei sámiide.
– Mun gádden dat áigi lea gollan, muhto oainnán odnege ahte dáruiduhttin sámiid ektui doalahuvvo seamma dásis, muhto eará láhkai. Odne norgga stáhta sihkku vuogádatlaččat min ráhkis álbmogis vuoigatvuođaid ja dahká dan dan bottago sámediggi eallá ja doaibmá olmmošvuoigatvuođaid julggaštusaid vuođul. Das ii beroš norgga stáhta ja čevllohallá internašunála orgánain man buori barggu dahket riikka eamiálbmoga ovddas.
–Vuoigatvuođaid suoládeapmi
Trosten lohká ahte ii goassege sámi historjjás sáhte nu ollu vuoigatvuođaid suoládemiid dokumenteret go jagis 2016 ja dalle lea dáruiduhttima váldán maid buohtastahttomii.
Ovdamearkka dihte bidjá son ovdán:
– Mearrasámit masset jahkásaččat vuoigatvuođaid sámi eatnamis.
– Mearrasámit masset jahkásaččat luossabivdovuoigatvuođaid ja vuoigatvuođaid sirdet earáide.
– Badjeolbmuid bággehit bággonjuovvamiidda vaikko stáhta ieš suoláda eatnamiid ja ákkastallet menddo ollu bohccuid.
– Sámi báikegottiin leat dadjat visot vuoigatvuođaid váldán ja sámi báikegottit gillájit ja jávvásit.
– Árbevirolaš sámi kultuvra, nugo omd goahtehuksen,meahccedállohuksen ja meahcástallan, lea 2016:s šaddan láhkarihkkun Norggas vaikko sámiide mearkkaša dat eallin ja máttarmáttarvánhemiid árbeguoddin.
– Sámi giđđaloddema leat dahkan kriminalitehtan dan botta go stuorra servodaga berošteaddjit gurrejit čakčat báikegottiid rievssat náli.
– Árbevirolaš sámi gárduma áitet heaittihit, vaikko gárdun lea sámi eallin,kultuvra-guoddi JA loaktima vuođđun.
-Deanočázádagas leat oalát heaittihan báikegottiin rivttiid ja dakko bokte báikegottiid sordet ja illástit.
– Stáhta ii leat vel nagodan fállat sámi mánáide ja nuoraide beaivválaš TV-fálaldat ja sámi mánát ja nuorat fertejit dorvvastit soaittáhagas fálaldagaide mat ain ihtet áiggis nubbái.
– Sámi eallilanolbmot eai odnege oaččo fálaldaga sámegillii almmolaš ásahusain.
– Sáhtašin buktit ovdamearkkaid čuđiid mielde, muhto dás lean čilgen moadde ovdamearkka.
Ii áiggo čikŋan
Trosten lohká Sámediggi lea álo viggan ovddidit min álbmoga eallima ja boahtte áiggi, muhto dađi bahábut doaibmá odne stáhta čikŋan máilmmi servodahkii.
– Mun in mange láhkai áiggu leat čikŋan stáhtii oasseváldiimiin ja dákko bokte cealkkán iežan eret jienastuslogus, čállá son.
