-Almmuhus-
OĐĐASATEO-doaibma sáhttá čuohcat Norggabeale boazodollui

EO-doaibma sáhttá čuohcat Norggabeale boazodollui

-

-

Go Norggas lea gávdnon boazodávda gottiin, dan vuođul sáhttá EO mearridit ahte ii leat lohpi bohccobierggu fievrredit badjel rájiid.

Norgga Eanandoallo- ja biebmominister, Jon George Dale, ballá ge dál ahte dat EO-doaibma, ahte ii sáhte bohccobierggu fievrredit Norggas EO-riikkaide, sáhttá čuohcat Norgga boazodollui. Dan čállá Aftenposten.no.

Lea go Lulli-Norggas gávdnon gottiin boazodávda, mii daguha ahte boazu rávžá, spierggádišgoahtá ja loahpas jápmá.

Dan vuođul lea go Norgga stáhta bidjan johtui doaimma gos galget dán dálvvi báhčit visot Nordfjella goddenáli.

 

Čuohcá eará guovlluide

Minister Dale, ballá ahte go EO-kommišuvdna mearrádus ahte bissehit bohccobierggu válliimis EO riikarájiid rastá galga čuohcat eará guovllu bohccuide maid, namalassii Nordfjellas davas.

Doppe ii leat gávdnon dat boazodávda, muhtun sáhttá lihkká geavvat nu, jus EO-kommišuvdna dan mearrida, ahte ii obanassiige šat beasa makkárge bohccobierggu fievrridit EO-riikkaid rájiid siskkobeallai

 

Measta beali

37 000 iskosa leat Veterinearainstituhtta váldán gottiin, bohccuin, sarvvain ja vuovderuoigguin ja leat gávdnan 14 ealli mas lea dat CWD dávda.

Buot dat 14 ealli main leat gávdnan leat gottit Nordfjellas.

Dán rádjai leat bivdit báhcán 778 gotti Norfjellas. sullii 900 vel galget báhcit, de leat bahčán buot gottiid dan guovllus.

EO-kommišuvdna leat mearridan ahte dál galget maid earret eará Ruoŧas, Suomas, Litauenis, Latvias, Estlandas ja Polenis iskat lea go CWD dávda doppe maid.

-Almmuhus-